أنا محمد تمام فهمي صانع محتوي وحابب أشارك معاكم قصتي بدأت صناعة محتوي من 2019على اليوتيوب ولكن مستمرتش كتير بسبب دراستي لأنها بعيدة عن صناعة المحتوي وبدأت من تانى ولكن علي تيك توك سنة 2020 ودة كان وقت الكورونا حاولت استغل وقت الأزمة دي في إني أنمي موهبتي وأسعي وراء حلمي وشغفي وكنت بقدم محتوى تعليمي ولكني مستمرتش فيه وغيرت المحتوي لمحتوي رياضي لأني من عشاق الساحة المستديرة وده المجال الي أنا بفهم فيه وقدرت في وقت قليل أوصل لعدد كبير من المتابعين والحمد لله في خلال خمس شهور قدرت أتكرم كأفضل صانع محتوي رياضي على كواي في الشرق الأوسط لأني وبفضل الله من أقوي الناس في الساحة الرياضية الي بتتكلم عن الميركاتو بشكل قوي وإحترافى .
يمكن موضوع صناعة المحتوي في الأول كان صعب إني أعمل الفيديوهات ولكن أشتغلت علي نفسي وأتعلمت المونتاج والتصوير وكمان تغطية الأخبار الأوروبية من مواقع كتير في اوروبا وهدفي من فيديوهاتي والنجاح والشهرة الي وصلتلها ولسه هوصلها وأكون مشهور أتر هدفي الأساسي إني اقدر أساعد الشباب الصغير والي عندهم شغف بصناعة المحتوي وأكون مصدر إلهام ليهم وأساعدهم لأني وفي بداية مشواري كنت محتاج حد يساعدني أبدأ ازاي وأعمل اي .
وبسعي الفترة الجايه اني اكمل100k علي تيك توك ونفسي أعمل براند تيشرتات كورة خاص بيا وده الي بشتغل علية الفترة الجاية.
الرئيسية