كشف المستشار مرتضى منصور رئيس مجلس إدارة نادي الزمالك عن مفاجأة مدوية بشأن مستقبل النجم المغربي أشرف بن شرقي مع القلعة البيضاء، كما فتح النار على أعضاء مجلس إدارة نادي الزمالك.
وأكد منصور في تصريحات متلفزة أن أشرف بن شرقي عنده رغبة يكمل وإن شاء الله هنقعد معاه.
وأوضح: “اعتذرت عن المكالمة المنسوبة لأحمد جمال، مينفعش الاعتذار يتقابل بالرفض من الأهلي، وأنا سحبت الاعتذار وهيلاقوا معاملة أسوء من كده”.
وواصل: “الأهلي فيه دربكة دلوقتي، مش ده الأهلي بتاع السنة اللي فاتت واللي قبلها واللي قبلها، الأهلي بدأ يعمل اللي كنت بعمله وكانوا بيتريقوا عليه بيمشوا مدرب وسط الموسم ويطلعوا بيانات ويشتكوا”.
وتابع: “مهند لاشين وعمر كمال في الزمالك، الفتونة وخطف اللاعيبة مش هيمشي معانا، في الغرف المغلقة في دولة محترمة متقبلش إن لاعيبة الزمالك يتخطفوا، بسأل فيوتشر سؤال بتجيبوا الفلوس منين؟ الأهلي والزمالك والإسماعيلي وغيرهم معروف فلوسهم منين، والفيفا بيمنع الكلام ده”.
وأردف: “لعبنا ماتش الأهلي من غير اللاعب الهارب طارق حامد، طارق لاعب هارب لأنه خرج من ماتش إنبي ببطاقة ثالثة مش مصاب، طارق حامد سيعاقب عقاب شديد لأن الزمالك نادي محترم، طلع من إسبانيا لألمانيا ده راجل بايع”.
الرئيسية