حسن شحاتة يوجه انتقادات لاذعة لمحمد صلاح ويهاجم مسؤولي الكرة المصرية

وجه حسن شحاتة المدير الفني الأسبق لمنتخب مصر انتقادات مصر انتقادات لاذعة إلى النجم المصري محمد صلاح لاعب ليفربول الإنجليزي، كما هاجم مسؤولي الكرة المصرية بسبب حالة التخبط الإداري التي تمر بها المنظومة الكروية المصرية.

وصرح شحاتة في تصريحات عبر قناة صدى البلد: “الفترة الحالية للمنتخب؟ لو اتكلمت هغلط في ناس كتيرة جدًا.. وأنا مش عايز أغلط في حد.. أحنا ماشيين بشكل غريب.. اتحاد الكرة واختيار المدربين الموضوع عشوائي والحل لازم يتعمل خطة طويلة الأجل مش قصيرة الأجل”.

وتابع: “‏لازم يتحط خطة للدوري يمشي بشكل منتظم وكأس مصر وأفريقيا قبل المنتخب.. أحنا ماشيين بشكل عشوائي والعملية مش متظبطة ده احنا مصر وعندنا خبراء كل الدنيا بتستفيد منهم”.

وأضاف: “اللي سمعته وعرفته إن كيروش جه مسك منتخب مصر مجاملة عن طريق وكيل محمد صلاح”.

وأكمل: “أنا مش محطوط في الصورة خالص عند الاتحاد وده شيء غريب.. واحد واخد 3 بطولات أفريقيا مع زملائه في الجهاز ويمشوه كان شيء غريب.. هما شايفين إن خلاص راحت عليا وأنا مش زعلان”.

وواصل: “محمد صلاح؟ اللي بيقدمه مع ليفربول معروف وهو نجم من نجوم العالم.. بس منعتمدش على صلاح عشان يجيب مدرب لو الكلام اللي بيتقال صح.. محمد صلاح مقدمش حاجة لمنتخب مصر كان لازم يقدم أكثر من كده بكتير”.

وشدد: “أتمنى الزمالك يكسب الدوري السنة دي كمان”.

وأردف: “‏مينفعش أجيب مدرب لمنتخب مصر مش واخد بطولة حتى ولو بطولة محلية.. أزاي هيتعود على البطولات ويبقى عايز ياخد بطولات؟”.

وأختتم: “‏إيهاب جلال اتظلم في منتخب مصر.. وبقوله ميفقدش الثقة في نفسه أبدًا لأن الوضع اللي اتحط فيه مينجحش حد”.