وجه مرتضى منصور رئيس نادى الزمالك هجوم عنيف على أحمد سليمان المرشح السابق فى انتخابات النادى وقائمته والتى قدمت طعون بالامس على انتخابات نادى القلعة البيضاء الاخيره، والتى فاز بها مرتضى منصور وقائمته.
مرتضى منصور وفى تعليقه على هذا الامر قال : لسه مبقالناش اسبوع بعد اعتماد النتيجة والطعون نازلة من قائمة احمد سليمان على النتيجه هى قايمة سليمان عايزه ايه من نادى الزمالك، وانا كنت صح لما طلبت الطعن على الانتخابات يبقى جزئى مش كلى لكن الوزير كلمنى وطلب منى أن يكون الطعن كلي، وقالى معلش عديها، علشان الدنيا تمشى وانا وافقت.
وواصل : فى مكتب الوزير قولت له لو عايز اعيد الانتخابات تانى يوم اعملها بس لو سقطوا تانى الجمهور مش هيسيبهم و انا متابع تعليقات الزملكاوية اللى رافضين وجودكم ورافضين اللى انتم بتعملوه فى النادى كفاية بقى.
واتم : بقول لاحمد سليمان وهانى شكرى مش هسيبكم، وهعتزل المحاماه لو لم يتم حبسكم.
الرئيسية